Urnieta 1 - 0 Beti Gazte

Denboraldiko lehen partidan, gure jokalariek Beti Gazte talde indartsuaren aurka neurtu zituzten indarrak. Partida oso gogorra eta landua izan zen, eta kanpotarrek norgehiagokako aukera onenak sortu arren, gure jokalariak tinko eta sendo mantendu ziren eta azkeneko minutuetan garaipena lortu zuten.

Gure taldearen hamaikakoa: Igor; Coton, Telle, Gorka, Jabat; Ander, Iker, Peru, Julen; Rodrigo eta Andoni. Ahulkian: Gorospe, Larra, Itu, Iñigo, Imanol, Albert eta Javi.

Lehen zatia:

Hasierako minutuak kanpotarrentzat izan ziren. Era oso bertikalean jokatu zuten eta minutu horietan min handia egin ziguten aukera garbirik sortu ez arren. Hamabosgarren minututik aurrera, gure taldea hobeto kokatu eta pixkanaka-pixkakana nafarren area ingurura iristen hasi ginen. Horrela, gure taldearen aukerarik onena Anderren buruan egon zen, baina honek ezin izan zuen ezkerraldetik egindako erdiraketa bat sareetara bideratu. Horrela, atsedenaldira iristean, markagailua ez zen mugitu.

Bigarren zatia:

Bigarren zatian gure taldea errazago iritsi zen etsaien ate inguruetara, hori bai, arrisku handiegirik sortu gabe. Hala ere, zati honetako erdialdetik aurrera, garai honetako egoera fisiko baxuaren eraginez, gure taldeak akats nabariak egin zituen. Zorionez, kanpotarrek ez zituzten aukerak baliatu. Horrela, etxekoek puntu banaketa ontzat ematen zutenean iritsi zen sopresa. Izan ere, partiduko azken minutuan, Albertek korner bat maisuki exekutatu eta Urnietako armailetara zoramena eraman zuen. A zer nolako gola!!!A zer nolako hiru puntuak!!!

Denboraldiko lehen hiru puntuak izan ziren. Izerdia, malkoak eta odola isuri genituen larunbatean, baina egindako guztia merezi izan zuen lortutako emaitzagatik.

Bejon deigula mutilak!!!

Honekin batera, ideia bat bururatu zait. Taldekide guztien parte hartzea sustatzeko, partidu bakoitzaren "komentariotan", norgehiagokako hiru jokalari onenei, hiru, bi eta puntu bat emango diegu. Denboraldi bukaeran puntuak batu eta denen artean sari bat banatuko zaie.